Project β

Project by : Fulltime Headhunter

0%

funded

US$0

raised of US$3,846 flexible goal

49 days

to go

Launched: 9 May 2019

Funding ends: 8 Jul 2019

2017年,好記得當日完成咗一個幾大嘅Placement,做到好攰,返到屋企自己坐係電腦面前,突然間諗:「不如寫一啲自己入咗獵頭呢行咁多年面對過嘅奇情故事」。由寫第一篇文章“The Beginning of the End”開始,不經不覺已經兩年。當初開呢個專頁嘅原因,主要想分享一些「獵頭」呢個好似好神秘嘅行業的日常點滴,譬如係我哋獵頭平時點樣對客、點樣應對Candidate、有什麼趣事怪事新鮮事。除咗了解獵頭之外,更加希望藉住我嘅文章可以令大家對自己有多啲認識:譬如點樣去見工、點樣寫好自己份履歷表、點樣面對一些求職上的困難。當初支持我專頁嘅讀者少得可憐,印象中初期只有大約10個讀者支持,連我自己想將自己嘅專頁介紹俾朋友都覺得難為情。

2018年,支持我嘅讀者已經突破10,000人。幸運地,皇冠出版社聯絡我,找我出書,實現咗人生一個小小嘅夢想:書展出書。小弟第一本書叫《全職獵人──獵頭公司奇情實錄》,以獵頭秘聞、搵工貼士集結成書,銷量好好,仲可以去到誠品暢銷榜。之後十一場讀者見面會全部爆滿;又同其他網絡作家一齊搞分享會同埋電影首映會,都係爆滿。The rest is history. 感覺已經算超額完成,所以雖然這一本書全港好多書店都售罄,但是我沒有打算再版。

2019年,Follow我Facebook專頁的人數去到23,000人。今年自己做咗兩個計劃:“Say Your Dream”,响呢個計劃入面,我會每個月邀請一位特別嘉賓,總共12位自己好欣賞嘅嘉賓去寫一篇關於夢想、追夢嘅文章。用佢哋嘅觀點與角度,帶出另外一個「關於夢想」嘅睇法;“Journey with 久保”,同讀者見面,面對面傾計,做職場規劃,教導佢哋點樣寫履歷表、指導佢哋點樣見工、點樣應對任何關於Offer上嘅問題等等。

鑒於好多讀者同我分享自己嘅故事,分享一下佢點樣追夢、點樣比生活蠶食,點樣迷失、點樣追求,真係最近聽埋聽埋唔少有趣嘅故事;又有非常之多嘅讀者想我出「第二本書」,但係通常續集永遠都唔會比第一集好,所以我問自己:「出第二本書應該可以寫咩?」「不如寫一本工具書?」「不如照板煮碗,寫多啲之前經歷過嘅獵頭奇情故事?索性叫本書做獵頭公司劇情實錄II?」有見這麼多讀者想我執筆,心想,如果一年後的暑假來做個小總結,與讀者一期一會,也是不錯的,因為實不相暪,我對文字有種難以抵抗的誘惑,一旦上癮了,就不想停下來。加上上本書出版後,反應不俗,再寫一本又何妨?

Why not both?寫一本工具書為主、故事為輔嘅書,再加少少Q&A?但係貪玩任性加倔強嘅我唔想淨係出一本書就算,又唔想傳統出版社幫我出書而局限了好多內容同埋可能性。(因為真係好多人故事都係唔可以出街的)上本書以奇情為主題,側重個案的趣味,今次想想玩玩新意思,給大家看到我專業的一面,加強實用性,故此想出一本求職工具書。

​「團結就是力量」呢句說話雖然老土,但卻係我真切的經驗,由開page到出第一本書,過程中網民都畀咗很多寶貴意見,我看到集結的威力,想用大家的力量合作完成,好像Marvel一樣,不斷吸取受眾的看法,成就最精彩的內容。我想搞多一個Project同讀者一齊玩,“Project β”應運而生。

“Project β”應該係全香港歷史上第一次由作者和讀者一齊合作參與嘅一本書。由書名到封面到內容,都係我同讀者一齊努力、一齊孵化嘅成果。為了這一個Project,我特意起了一個網站,網站入面會記載着我同讀者嘅故事:由五月到七月如何同讀者互動、點樣互相商量書入邊嘅內容、一齊去決定封面以及書名、讀者們可以由零到一百去見證着一本書的誕生。我會在網站中分享故事及書的大綱、又會和大家一起Q&A,並會定時更新進度。這是一本作者和讀者一齊努力去撰寫內容、校對以及排版嘅書,書入邊嘅鳴謝,會有每一個參與過呢本書製作過程的讀者的名字。

因為一個任性又倔強嘅決定,我會當作這一本書係我最後一本書,會喺七月書展出版。換言之我只有兩個月時間和大家一齊去籌備去孵化,呢個真係一個互動性好強嘅計劃。要實現呢個概念,我選擇放棄傳統嘅出版社幫我出書、放棄了穩賺的稿費,用「眾籌」呢個概念,同讀者們集資出書、其他成本就自資。自負盈虧,親力親為,自己負責從出版到搬運到將這一本書送到你哋手上嘅過程,蝕錢是預咗的了,只想自己都實現一下「Say Your Dream」這個概念。

這是一本集合了我咁多年獵頭生涯、資歷嘅一本書;這是一本求職寶典;這也是一本集合了讀者們故事的一本書,這是久保和讀者們一同創作的書。這本書售價是港幣$128(當然讀者們也可以參與定價),只會限定印2000本,決不加印,我希望每一本書都有一個獨立編號同屬於你名字的親筆簽名。香港寫書同出書真係賺唔到錢,其實今次出書都唔係為賺錢。或者可以咁樣講,出唔出到書都要睇大家支唔支持。

由今日起至到6月9號,如果可以籌集到資金,我就可以出書。假如我的文字曾經令到你有共鳴、勾起你的喜怒哀樂,請支持“Project β”吧!

響眾籌網入面,最低贊助款項係港幣$100,當然如果讀者們想眾贊助多少少我都無任歡迎,衷心感激。所以而家出錢支持我嘅讀者其實係可以用較平嘅價錢預訂我本書。​

如果你贊助港幣$100,你會有:親筆簽名書一本。

如果你贊助港幣$500,你會有:親筆簽名書一本+讀者見面會門票一張

如果你贊助港幣$980,你會有:親筆簽名書一本+1小時一對一職場規劃Career Coaching服務,我親自同你見面,幫你睇吓你份履歷表有冇進步嘅空間、教你面試嘅時候如何避免踩地雷同埋講啲乜嘢會增加自己嘅機會。

希望大家用行動去支持小弟依個出書嘅夢想。最後感激和藍橘子結緣,書展期間會和他一起合作擺攤位,能與他合作是我的榮幸。

如欲了解更多,請去以下Project β 嘅網站:​

​https://fulltimeheadhunter.wixsite.com/project-b